2022 жылдың тамыз айының 5 жұлдызында І.Жансүгіров атындағы тарихи – өлкетану музейі қызметкерлері белгілі жазушы Мұхтар Омарханұлы Әуезовтің туғанына 125 жыл толуына орай «М.Әуезов-қазақ әдебиетінің тарланы» атты тақырыптық экскурсия ұйымдастырды. Экскурсия барысында жасұрпақ ғұлама ғалымның өмірі мен еңбек жолы және отбасы жайында мол мағлұматтармен танысты. Сонымен қатар жазушының жары, кенже ұлы Мұрат Әуезовтің анасы, жерлесіміз Фатима Ғабитова жайлы да көптеген естеліктер айтылды. Эксурсия соңында келушілер жазушының отбасынан сыр шертетін фотосуреттермен және музей кітапханасының қорында сақталған М.Әуезовтің кітаптарынан құралған көрмені тамашалады.