5 қыркүйек күні І.Жансүгіров атындағы тарихи-өлкетану музейінде Тілдер мерекесіне орай, «Тіл-халық қазынасы» атты танымдық іс-шара өтті. Аталмыш шараға «Мамания» орта мектебі және Абай атындағы орта мектеп оқушылары, ұстаздары және ауылдық әкімшілік қызметкерлері қатысты. Шараның мақсаты – мемлекеттік тілдің мәртебесі мен маңызын кеңінен насихаттау, сонымен қатар оқушылардың патриоттық сезімін оятып, тілін, Отанын, елін, жерін сүюге тәрбиелеу. Шара барысында оқушылар І.Жансүгіров, С.Торайғыров, М.Жұмабаев, Қ.Мырзалиев сынды көрнекті ақындардың тіл туралы өлеңдерін оқып, өздері шығарған өлең шумақтарын да ортаға салды. Танымдық шара мәдениет қызметкерлерінің ән-шашуымен аяқталды.