І.Жансүгіров атындағы тарихи-өлкетану музейінде Қазақ поэзиясының жарық жұлдызы «Поэзия Құлагері» атанған шоқтығы биік ақын, прозаик, драматург, фельетоншы, очеркші, қоғам қайраткері- Ілияс Жансүгіровке арналған «Ілияс әлемі» атты көрме өтті.
Көрме өскелең ұрпаққа ақынның өмірі мен шығармашылығын кеңінен таныстыру мақсатында ұйымдастырылды.
Көрмеге ақынның өнегелі өмірі мен шығармашылық жолынан сыр шертер проза, повестері, поэмалары мен өлеңдерінен құралған кітаптары сонымен қатар ақынның сирек кездесетін фотосуреттері, құжаттары, көзі тірісінде қолданған бұйымдары қойылды.