2019 жылдың 1 ақпан күні І.Жансүгіровтің әдеби музейі мен №1 Талдықорған қалалық емханасының ұйымдастыруымен ҚР Президенті Н.Ә.Назарбаевтың «Ұлы даланың жеті қыры» атты мақаласы аясында «Тарихи сананы жаңғырту» атты облыстық шара өтті. Мақсаты: Елбасының «Ұлы даланың жеті қыры» атты мақаласын терең түсініп, дұрыс тарихи сананың қалыптасуын дәріптеу. Шара барысында алғашқы құттықтау сөз І.Жансүгіровтің әдеби музейінің меңгерушісі Н.Қ.Жауынбаеваға беріліп, №1 Талдықорған қалалық емханасының гериатр дәрігері С.Қабықбаев Елбасының батыл бастамалары жөнінде баяндама жасады. Шара патриоттық ән-күйлермен жалғасын тауып, «Авиценна» медициналық колледжінің белсенді білімгерлері «2019 жыл – Жастар жылын» қолдауға бағытталған флешмоб ұйымдастырды. Шара соңында І.Жансүгіров әдеби музейінің залдары бойынша экскурсия жүргізілді.