2019 жылдың 13 наурызында М.Төлебаевтың мемориалды музейінде  Елбасының «Болашаққа бағдар: рухани жаңғыру» атты мақаласы аясында облыстық қазақтың біртуар композиторы, КСРО-ның Халық әртісі Мұқан Төлебаевтың туғанына 106 жыл толуына орай «Қазақ музыкасының сайыпқыраны» атты әдеби-сазды кеші өтті.Аталмыш шараға Лепсі ауылдық мәдениет үйі қызметкерлері, мектеп оқушылары, әжелер ансамблі мүшелері қатысты.Қатысушылар дарынды композиторға арналған арнау өлеңдерін айтып, әндерін шырқады. Ушинский атындағы орта мектеп оқушылары композитор өмірінен «Сыбызғылыкөл» атты көрініс қойды. Сонымен қатар шара барысында композитор М.Төлебаев жайлы деректі фильм көрсетілді.Шара соңында Лепсі ауылы әкімі Серікбаева Гүлнәр Мұратқызы  қорытынды сөз сөйлеп, қатысушыларға алғыс хаттар табыстады.