31 мамыр – Ашаршылық және саяси  қуғын-сүргін құрбандарын еске алу күніне орай Талғар ауданы Жаңалық ауылындағы Саяси  қуғын-сүргін құрбандары музейі 30 мамыр күні  «Ашаршылық пен үлкен террордың тарихи сабақтары» атты халықаралық ғылыми-тәжірибелік конференция ұйымдастырды. Конференцияға Қырғызстан, Өзбекстан республикаларының тарихшы- ғалымдарымен қатар алаш қайраткерлерінің бірі – Мұхамеджан  Тынышпаевтың ұлы – Дәулет-Шейх Әли Тынышпаев та қатысты. Конференция 31 мамыр күні саяси қуғын-сүргін құрбандарын еске алу мақсатында ұйымдастырылған жиынмен жалғасын тапты.