Алматы облысы мәдениет, архивтер және құжаттама басқармасының қолдауымен М.Тынышпаев атындағы Алматы облыстық тарихи-өлкетану музейінің ұйымдастыруымен тұңғыш Елбасымыздың «Рухани жаңғыру» бағдарламасы аясындағы «Өз өлкеңді танып біл» бағытын насихаттауда «Жетісу жауһарлары» атты жобаны іске асыру мақсатында Талдықорған – Лепсі бағыты бойынша арнайы туристік саяхат жүргізілді. Саяхат бағыты облыс орталығы Талдықорған қаласынан басталып, Лепсіге дейінгі бағытта кездесетін кесенелер, ескерткіштер, киелі орындар,табиғат ескерткіштері мен М.Төлебаев атындағы мемориалды музей жайлы экскурсия жүргізілді.