Үстіміздегі жылдың 7 қаңтарында Ақын Сараның мемориалды музейінде «Жұлдызды қонақ» атты шығармашылық алаң ұйымдастырылып, ақын Танакөз Толқынқызының өмірі мен шығармашылығына арналған «Ақын – елдің ардағы» тақырыпта  әдеби кеш өтті. Мақсаты: Еліміздегі халықтың ыстық ықыласына бөленіп жүрген қаламгерлеріміздің өрнегі мол жырларын оқуға насихаттау, олардың өнегелі өмір жолдарын өскелең ұрпаққа таныстыру, жастардың ақындық өнерге сүйіспеншілігін  арттыру. Әдеби кеш  қонақтары: ақын, Алматы Облыстық жазушылар одағы филиалының директорының орынбасары Жангелді   Немеребай; ақын, облыстық «Жетісу» газетінің тілшісі Мәулен  Әнербай; әнші, композитор Нұржан Ахметбек; ақын Әмина Адайхан.   Іс-шарада Танакөз Толқынқызы мен мектеп оқушылары арасында  ақынның шығармашылығы туралы  әдемі әңгіме өрбіді.  Ақынның лирикаға толы, сырлы  өлеңдері оқылып, әннен шашу шашылды. Кеш соңында қонақтарға музей залдары бойынша экскурсия жүргізілді.