Үстіміздегі жылдың қаңтар айының 20 күні Ақын Сараның мемориалды музейінің қызметкерлері Е.Жайсаңбаев атындағы орта мектебінің 10 сынып оқушыларына «Тарихи сырға толы қасиетті Қапалым» атты тақырыбында дәріс оқыды. Дәрісте Қапал ауылында орналасқан бір жарым ғасырлық тарихы бар көне ғимараттар мен өңірдің тарихы туралы айтылып, фотосуреттер көрсетілді. Көрікті әсем табиғатында өскен сан алуан өсімдік түрлері, онда мекен ететін жан-жануарлар мен аңдар туралы мағлұмат берілді.