Үстіміздегі жылдың 12 ақпанында І.Жансүгіров атындағы тарихи-өлкетану музейі қызметкерлерінің ұйымдастыруымен «Қолөнер - сырлы өнер» атты тақырыпта жылжымалы көрме ұйымдастырылды. Көрме - көпшілік қауымды қазақтың ұлттық қолөнерінің ерекшеліктерімен таныстыру, оның халықтың тұрмыс-салтында алатын орнының қаншалықты маңызды екендігін ұғындыру, төл мәдениетімізді қастерлеуге баулу, сонымен қатар ​ жергілікті қолөнершілердің шығармашылығын насихаттау, олардың еңбектерін көпшілікке таныстыру мақсатында ұйымдастырылды. Көрмеге​ Байтықан Сәуия,Әбіләкім Гүлнар, Дүкей Шұғыла сынды жергілікті қолөнер шеберлерінің қолынан шыққан бұйымдар қойылды. Көрермендер шеберлердiң тамаша туындыларымен танысып, ерекше әсер алды