Кеңес әскерінің Ауған жерінен шығарылған күніне орай үстіміздегі жылдың 13 ақпанында №3 Қабанбай орта мектебінде Қабанбай батыр атындағы тарихи-өлкетану музейі қызметкерлерінің ұйымдастыруымен «Ауған, сөнген шоқ, өшкен арман тек сеннен есте қалған» тақырыбында Ауған соғысының ардагерлерімен кездесу кеші өткізілді. Өз Отанына шексіз берілген, патриоттық рухы жоғары, әскери борышын өтеуге барған қайсар жауынгер ағалардың ерлігін үлгі ету мақсатында ұйымдастырылған бұл шарада, ардагерлермен оқушылар ашық әңгімелесіп, сұхбаттасты. Ауған жерінде мерт болған жауынгерлерді еске алып үнсіздік минутымен бастап, оқушылар өз жырлары мен әндерін ардагерлерге арнап  бас иді.