Ағымдағы жылдың 12 наурызында І.Жансүгіров атындағы тарихи-өлкетану музейі қызметкерлерінің ұйымдастыруымен Абай Құнанбаевтың 175 жылдығына орай "Өлең-сөздің патшасы, сөз сарасы" атты мәнерлеп оқу сайысы ұйымдастырылды. Аталмыш шара жас ұрпаққа қазақтың бас ақыны, ұлы дана, ойшыл, сазгер Абай Құнанбаевтың мол мұрасын​ сайыс арқылы насихаттау, ұлыларымызды құрметтеу, сол арқылы оқушы бойына​ мақтаныш сезімін тудыру, даналардың даралығын бағалау, қастерлей білуге баулу мақсатында ұйымдастырылды. Шара Мамания орта мектебінің 7-10 сынып оқушыларының қатысуымен өтті.