Пресс-центр
«Қариялар сарқылмас қазыналар» |
| Ілияс Жансүгіровтің әдеби музейінде «1 қазан – Халықаралық қарттар күні» мерекесіне орай қайырымдылық акция аясында «Қариялар сарқылмас қазыналар» атты дәстүрлі мерекелік кеш өтті. Шараға «Текелі қаласының қарттар мен мүгедектерге арналған жалпы үлгідегі медициналық-әлеуметтік мекемесінің» тұрғындары мен қалалық ардагер ұйымының мүшелері арнайы шақырылды. Мерейлі шараның мақсаты - жалғыз басты зейнеткерлер мен мүгедек-қарттардың көңілін аулап, қолдау көрсету. Шара барысында оқушылар жырдан шашу шашып, Қ.Байсейітов атындағы саз колледжінің білімгерлері әсем әндер орындады. Сонымен қатар, музей ұжымы абзал ақсақалдар мен ақжаулықты аналарды мейрамымен құттықтап, естелік сыйлықтар табыстады. Кеш соңында аяулы ардагерлерімізге «Асыл қариялар» атты кітап көрмесі таныстырылып, музей залдары бойынша экскурсия жүргізілді. |
| Подробнее Просмотры: 16 Категория: Новости Дата: 03.10.2022 |
«Ескелді би – даналық дариясы» |
| Н.Алдабергеновтың мемориалды музей қызметкерлері 29 қыркүйек күні М.Байысов атындағы орта мектебі мен Жаңалық ауылының негізгі орта мектеп оқушыларына батыр, шешен, көріпкел Ескелді Жылкелдіұлының туғанына 330 жыл толуына орай «Ескелді би – даналық дариясы» атты дәріс оқыды. Ауданымыздың аты есімімен аталатын Ескелді бидің ғұмыр жолы туралы оқушылар назарына бейнефильм көрсетіліп, әулие бабамыздың елі мен жерін қорғап, сақтап қалғандығы жөнінде толыққанды мәлімет берілді. |
| Подробнее Просмотры: 36 Категория: Новости Дата: 03.10.2022 |
«Көп жасаған қария – ақылы кең дария» |
| 29 қыркүйек күні - Халықаралық қарттар күніне орай, Ақын Сараның мемориалды музейінде «Көп жасаған қария – ақылы кең дария» атты шара өтті. Шараға арнайы Қапал өңірінің өсіп-өркендеуіне еңбек етіп, үлес қосқан ардагерлер шақырылды. Іс-шара барысында Қапал ауруханасында жұмыс істеп, қоғамдық өмірге, елінің дамып, жетілуіне үлес қосқан азаматтардың жетістіктеріне байланысты бейнеролик көрсетілді. Қарияларға музей бойынша экскурсия жүргізіліп, Қапалдың құрылғанына 175 жыл толуына орай құрылған «Тарихқа тұнған туған өлкем» атты көрме таныстырылды. Музей қызметкерлері ақсақалды аталарымыз бен ақ жаулықты әжелерді құттықтап, ауыл өнерпаздары ән айтып, мерекелік көңіл-күй сыйлады. |
| Подробнее Просмотры: 22 Категория: Новости Дата: 03.10.2022 |
«Ата қоныс - алтын мекен» |
| Қабанбай батыр атындағы тарихи-өлкетану музейінде № 3 орта мектебінің 4 сынып оқушыларына, «Ата қоныс - алтын мекен» тақырыбында Алакөл ауданындағы Екпінді ауылының тарихы және Тоқболат батыр бейіті туралы әңгіме оқылды. Әңгіме барысында Тоқболат батырдың өмірі мен ерліктері туралы және бейіті орналасқан Екпінді ауылының тарихы жайлы мәлімет берілді. |
| Подробнее Просмотры: 23 Категория: Новости Дата: 03.10.2022 |
«Қазақ сарбаздарының ат үстіндегі соғысу тәсілдері» |
| «Жауынгерлік Даңқ» музейінде оқушыларға «Қазақ сарбаздарының ат үстіндегі соғысу тәсілдері» атты тақырыптық экскурсия жүргізілді. Экскурсия барысында қазақ жауынгерлері қолданған соғыс тактикасының 12 тәсілі аталып, түсіндірілді. Экскурсия музей экспозициясындағы «Бес қару» топтамасымен байланыстыра таныстырылып, қазақ батырларының өшпес ерлігі мен жауынгерлік қасиеттері жайында мағлұматтар берілді. |
| Подробнее Просмотры: 13 Категория: Новости Дата: 27.09.2022 |
"Қыш ыдыстар тарихтан – сыр шертеді" |
| Қабанбай батыр атындағы тарихи-өлкетану музейінде "Қыш ыдыстар тарихтан – сыр шертеді" тақырыбында Асусай қалашығынан табылған қыш ыдыстар көрмесі өткізілді. Мақсаты – өлкеміздегі ортағасырлық Асусай қалашығынан табылған көне қыш ыдыстарды оқушыларға көрсету арқылы өлкеміздің тарихы мен мәдениетін таныстыру. Асусай қалашығы Үшарал қаласынан шығысқа қарай 65 шақырым жерден табылып, 2011 жылы зерттелді. Қазба жұмыстарын ҚазҰУ-ның профессоры Ә.Төлеубаев басқарды. Көрмеге музей залдарының, археология бөлімнен ортағасырлық Асусай қалашығының қыш ыдыстары: қазан, қыш ыдыс қақпақтары, құмған, шырақ бөлшектері, хум, құмыралар, түбек, құмыра тұтқалары, дастархан бөлшектері және де музей қорынан тағы басқа экспонаттар қойылып, оқушыларға таныстырылды. Ғасырлар қойнауынан жеткен қыш ыдыстарда жасырынған сырға тереңірек үңілу келешек еншісінде екені сөзсіз. |
| Подробнее Просмотры: 24 Категория: Новости Дата: 23.09.2022 |
«Жекпе-жектің теңдесіз шебері» |
| 22 қыркүйек күні Қабанбай батыр атындағы тарихи - өлкетану музейінде Қаракерей Қабанбай батырдың 330 жылдығына орай оқушыларға «Жекпе-жектің теңдесіз шебері» атты тақырыптық экскурсия жүргізілді. Экскурсия барысында Қабанбай батыр қатысқан шайқастар мен жекпе-жектері туралы оқушыларға мәлімет беріліп, батырдың қатысқан ең ірі шайқастарының бірі – Аңырақай шайқасы туралы айтылды. Шараның мақсаты - жас ұрпаққа Қабанбай батырдың ерлігін насихаттап, сол арқылы батырлыққа, адалдыққа, еліне, жеріне деген сүйіспеншілікке тәрбиелеу болып табылады. |
| Подробнее Просмотры: 15 Категория: Новости Дата: 23.09.2022 |
«Сөз зергері - Зейнолла Сәнік» |
| 21 қыркүйек күні Қабанбай батыр атындағы тарихи – өлкетану музейінде Қабанбай батырдың 330 жылдығына орай батырдың ұрпағы, жазушы, тарихшы, этнограф Зейнолла Сәніктің шығармашылығына арналған «Сөз зергері - Зейнолла Сәнік» аты мәдени - танымдық сабақ өтті. Шараның мақсаты –батырдың ұрпағы, жазушы, тарихшы З.Сәніктің Қабанбай батыр туралы жазған еңбектері арқылы оқушыларға Қаракерей Қабанбай батырдың өмірі мен ерліктерін таныстыру, насихаттау. Танымдық сабақ барысында тарихшы, этнограф, шежіреші, жазушы Зейнолла Сәніктің шығармашылығы мен тағылымды өмір жолына қысқаша шолу жасалды. |
| Подробнее Просмотры: 21 Категория: Новости Дата: 23.09.2022 |
«Орбұлақ шайқасы» |
| 21 қыркүйек күні «Жауынгерлік Даңқ» музейінде «Орбұлақ шайқасы» тақырыбында танымдық сағат өткізілді. Танымдық сағат барысында Орбұлақ шайқасының тарихи маңызы, еліміздің жоңғар шапқыншылығына қарсы азаттық соғысындағы ірі бетбұрыс болып саналатындығы туралы айтылды. Шайқас кезіндегі батырларымыздың ерен ерлігі, соғыс тактикасын тиімді пайдаланудың арқасында жеңіске жеткендігі жайлы баяндалды. Орбұлақ шайқасы ұлттық тарихтың жауынгерлік даңқ шежіресінде ерлік пен қаһармандықтың өшпес өнегесі ретінде мәңгілікке айшықталып қалды. |
| Подробнее Просмотры: 17 Категория: Новости Дата: 23.09.2022 |
«Дәуір данасы» |
| 2022 жылдың 21 – 23 қыркүйек аралығында Жетісу облысының Талдықорған қаласындағы М.Тынышбайұлы атындағы облыстық тарихи-өлкетану музейінде қоғам қайраткерінің өмірінің маңызды тұстарын ұрпақ санасына сіңіріп, кеңінен насихаттау мақсатында Алматы қаласынан Д.Қонаев музейінің қорынан алынған (барлығы – 45 дана) жәдігерлер негізінде «Дәуір данасы» атты жылжымалы көрме ұйымдастырылды. Көрменің салтанатты ашылуы 21 қыркүйек күні – 3 Мәрте Социалистік Еңбек Ері, қоғам қайраткері Дінмұхамед Ахметұлы Қонаевтың туғанына 110 жыл толуына орай өтіп, оған облыстық мәдениет, архивтер және құжаттама басқармасы басшысының м.а Ж.Серікова және Д.Қонаевтың ұрпағы Диар Асқарұлы мен жеке дәрігері Мүлік Ахат Әменұлы, Қонаевтанушы Қания Есдәулетова, Д.Қонаев музейінің қызметкерлері, облыстық кітапхана, мәдениет мекемелерінің қызметкерлері, І.Жансүгіров атындағы Жетісу Университетінің, Талдықорған жоғарғы медицина колледжінің студенттері, мектеп оқушылары қатысты. |
| Подробнее Просмотры: 17 Категория: Новости Дата: 21.09.2022 |