"Өлең сөздің дүлділі Жыр алыбы -Жамбыл"

Үстіміздегі жылдың 25-ақпанында Жамбыл Жабаевтың әдеби-мемориалды музейінде "Алтынай" балабақша ұжымының ұйымдастыруымен Жамбыл ақынның 174-жылдық мерейтойына арналған "Өлең сөздің дүлділі Жыр алыбы -Жамбыл" атты тақырыпта іс-шара өтті. Іс-шарада бүлдіршіндер көрініс көрсетіп, ақынның өлең-жырларын орындады

"Кавказға саяхат"

2020 жылдың 24-ақпанында Жамбыл Жабаевтың әдеби-мемориалды музейінде Қазақ бас сәулет-құрылыс академия колледжінің студенттеріне "Кавказға саяхат" тақырыбында дәріс оқылды. Дәрісте Жамбыл ақынның 1937 жылғы Грузияға барған сапарында қанатты шабытпен дүниеге келген "Сәлем саған Кавказ", Туысқан ел", "Ақынға", "Кавказға", "Өмір жыры", т.б. өлеңдеріне тереңірек тоқталды.

«Көшбасшы сыйлықтары»

25-го февраля текущего года к 80-летию Елбасы Н.А. Назарбаева, сотрудники историко-краеведческого музея Карасайского района провели тематическую экскурсию «Подарки Лидера» для учащихся школы-гимназии имени Абая. В ходе экскурсии было рассказано о жизни и деятельности Елбасы Н.А. Назарбаева, а так же представлены подарки преподнесенные Елбасы в дар музею.

«Экскурсия музей жұмысының бір түрі»

Үстіміздегі жылдың 25 ақпанында Ақын Сараның мемориалды музейінің қызметкерлері «Жас экскурсия жүргізуші» үйірмесінің оқушыларымен «Экскурсия музей жұмысының бір түрі» атты тақырыбында екінші сабағын өткізді. Сабақ барысында оқушылар экскурсия, экскурсияның мақсаты мен түрлері және экскурсия жүргізушінің міндеттері туралы толыққанды мағлұмат алды. Сонымен қатар, оқушыларға ситуациялық тапсырмалар беріліп, назарларына тақырыпқа сай слайд ұсынылды. Сабаққа бар ынталарымен қатысқан балалар өз ойларын да ортаға салды.

«Өткен күннен естелік»

Үстіміздегі жылдың 24 ақпанында Ақын Сараның мемориалды музейінің қызметкерлері Арасан ауылындағы Б.Сырттанов атындағы орта мектебінде «Өткен күннен естелік» атты жылжымалы көрме ұйымдастырды. Көпшілік назарына өткен ғасырдан сыр шертетін фотокамералар мен телефондар ұсынылды. Көрме оқушылардың қызығушылықтарын арттырып, көңілдерінен шықты.

«Ауғаныстаннан Кеңес әскерінің шығуына 31 жыл»

2020 жылдың ақпан айының 25 ші жұлдызында Сарқан ауданының тарихы музейінің қызметкерлері «Черкасск қорғанысы» экспозициялық кешенінде Черкасск орта мектебінің 7 сынып оқушыларына «Ауғаныстаннан Кеңес әскерінің шығуына 31 жыл» атты лекция өткізді. Лекция барысында 10 жылға созылған қақтығыстың зардаптары мен ардагерлер ерлігі жайлы баяндалды.

«Жігіттердің сұлтаны»

2020 жылдың 24 ақпан күні Сүйінбай Аронұлының әдеби - мемориалды музейінде айтыстың ақтаңгері, қолына үкілі домбыра мен қауырсын қаламды алма - кезек ұстаған лирик ақын Есенқұл Жақыпбековтың туған күніне орай Т.Бокин атындағы орта мектеп оқушыларына «Жігіттердің сұлтаны» атты әңгіме оқылды.

«Жамбыл поэзиясының тілі»

Үстіміздегі жылдың 21- ақпанында Жамбыл Жабаевтың әдеби-мемориалды музейінің қызметкерлері Жамбыл орта мектебінің 8-сынып оқушыларына «Жамбыл поэзиясының тілі» атты тақырыпта дәріс оқыды. Жыр алыбының өмірі мен поэзиясы туралы, айтыстары жайлы оқылған дәріс барысында оқушылар өз ойларын ортаға салды.

Экскурсия

Ағымдағы жылдың ақпан айының 23-ші жұлдызында шетел азаматы Dennis Kunneman Қазақстандағы саяхат бағытының бірін музей аралауға арнағандықтан Саяси қуғын-сүргін құрбандары музейінің арнайы экспозицияларымен танысып қайтты. Экскурсия барысында Қазақстандағы 1916 - 1986 жж. аралығындағы қуғын-сүргін құрбандарының тарихы жайлы деректер айтылды.

Ұлы Абайдың 175 жылдығы

Үстіміздегі жылдың 21ақпан күні Есік археологиялық өлкетану музейінде Есік қалалық әкім аппаратымен бірлесе отырып Ұлы Абайдың 175 жылдығына орай қала мектептері мен колледж студенттері арасында тоғыз құмалақтан жарыс ұйымдастырылды. Жарыстың мақсаты - жастарды ұлттық ойын түрлеріне үйрету, қазақ халқының тарихымен, салт-дәстүрлерімен таныстыру. Өткізілген шара аясында жастар Ұлы Абайдың өсиеттеріне сәйкес дәстүрлі жарысқа қатысып, мақтау қағаздары мен кубоктартарға ие болды.