«Саятшылық – қазақтың дәстүрлі аңшылығы»

Үстіміздегі жылдың 16-шы қыркүйегінде Ақын Сараның мемориалды музейінің қызметкерлері еліміздің тарихи-мәдени мұраларымен таныстыруға бағытталған «Саятшылық – қазақтың дәстүрлі аңшылығы» атты білім беру сағатын ұйымдастырды. Білім беру сағатына қатысқан Ғ.Орманов атындағы орта мектеп оқушыларының назарына «Жеті қазына» құсбегілік музейі туралы бейнеролик ұсынылды. Шараға қонағы Қапал аулының тұрғыны, бүркітші Әбсемет Сайділдә ақсақал «Ақтілек» атты бүркітін әкеліп, оқушыларға бүркітті қалай үйретуге және құспен қалай тез тіл табысуға болатыны жайлы өз құпия тәсілдері мен құсқа арналған жабдықтар туралы айтып берді. Қыран құс туралы мол мағлұмат алған жеткіншектер өз ризашылықтарын білдіріп, көтеріңкі көңіл-күймен тарқады.

«Тірлігімнің айғағы – ана тілім»

16 қыркүйек күні «Жаркент мешіті» сәулет-көркемөнер музейінде ана тілін жас ұрпаққа насихаттап, мемлекет үшін тілдің маңыздылығын түсіндіру мақсатында «Тірлігімнің айғағы – ана тілім» тақырыбында Панфилов аудандық ішкі саясат, мәдениет, тілдерді дамыту және спорт бөлімінің м.а. басшысы Толқын Көшербаевамен кездесу өткізілді. Кездесу барысында оқушыларға ана тіліміздің құндылығы туралы айтылып, оқыған кітаптары талқыланды. Кездесу соңында оқушыларға «Балақай» аудандық балалар газеті сыйға берілді.

«Н.Алдабергеновтың отбасы»

15 қыркүйек күні Н.Алдабергеновтың мемориалды музейінде отбасы күніне орай М.Байысов атындағы мектеп оқушыларына «Н.Алдабергеновтың отбасы» атты тақырыптық экскурсия ұйымдастырылды. Іс-шара барысында атаулы күнге орай отбасының негізгі құндылықтары мен мән-маңызы туралы мағлұматтар айтылып, Н.Алдабергеновтың отбасы жайлы мәліметтер айтылды. Соңында оқушылар отбасы құндылықтары туралы ойларын ортаға салып, өзара пікір алмасты.

«Жақсының жалғасы»

15 қыркүйек күні Алматы қаласында І.Жансүгіров әдеби музейі қызметкерлерінің ұйымдастыруымен «Жақсының жалғасы» атты қаламгер І.Жансүгіровтің ұрпақтарымен кездесу кеші өтті. Ілияс Жансүгіровтің мұраларын толықтыру, жинастыру мақсатында ұйымдастырылған шараға ақынның қызы И.Жансүгірқызы, немересі Ф.Жандосова, келіні Қ.Қаңтарбаева және отбасы мүшелері қатысты. Кеш барысында қазақ поэзиясының классигі Ілияс Жансүгіровтің бай мұрасын насихаттау жұмыстары талқыланып, дарынды ақынның шығармашылық мұрасы мен өмір жолының жарқын тұстары жайында әңгіме өрбіді. Шара соңында ақынның ұлы Саят Ілиясұлының жеке заттары, қолжазбалары мен кітаптары, ордендері мен медальдары және отбасылық суреттері Ілияс Жансүгіров әдеби музейінің қорына табысталды.

«Отбасы құндылығы – сарқылмас қазына»

Мұқан Төлебаевтың мемориалды музейінде 14 қыркүйек күні Отбасы күніне орай «Отбасы құндылығы – сарқылмас қазына» атты көрме өткізілді. Көрменің мақсаты - жас ұрпақты отбасылық құндылықтарды қастерлеуге, отбасындағы мейірімділік, қамқорлық сияқты ізгі қасиеттерге баулу. Белгілі композитор Мұқан Төлебаевтың отбасында және Кеңес уақытында қолданылған заттар көрмеге қойылып, олардың тарихы жайлы айтылды. Сондай-ақ, Мұқан Төлебаевтың отбасында қолданылған жеке заттары мен ыдыстары да келушілер назарына ұсынылды.

«Дәуір данасы»

Уважаемые жители и гости города! Приглашаем вас принять участие в торжественном открытии выездной выставки «Дәуір данасы», на основе экспонатов дома-музея Кунаева г. Алматы, посвященной 110-летию со дня рождения общественного деятеля Д. Кунаева, которая состоится 21 сентября в 11:00 в историко-краеведческом музее имени Мұхамеджан Тынышбайұлы области Жетісу. На выставке вы сможете увидеть ценные экспонаты, рассказывающие о жизненном и трудовом пути великой личности, а также встретиться с потомками Динмухамеда Ахметовича. Мы ждем Вас! Адрес: улица Абая, 245.

«Ұлағатты отбасы-ұлт құндылығы»

9 қыркүйек күні І.Жансүгіров атындағы тарихи-өлкетану музейінде Отбасы күніне орай «Мамания» орта мектебінің 8 сынып оқушыларының қатысуымен «Ұлағатты отбасы-ұлт құндылығы» атты іс-шара өтті. Шараның мақсаты - өскелең ұрпаққа отбасылық құндылықтар туралы түсіндіре отырып, отбасындағы адамгершілік, мейірімділік, ұлтжандылық сияқты асыл қасиеттерге баулу. Шара барысында жерлесіміз, ақиық ақын Ілияс Жансүгіров пен белгілі әдебиеттанушы ұстаз - Фатима Ғабитованың отбасы жайында құнды мағлұматтар айтылып, отбасылық фотосуреттерінен көрме ұйымдастырылды. Қазақ тарихындағы белгілі отбасының ұрпақтары туралы, олардың ел өміріндегі алатын орны, сіңірген еңбектері, қалдырған рухани байлығы, өнегелі өмірлері туралы мағлұматтар берілді.

«Тілім менің- мақтанышым»

5 қыркүйек күні тілдер мерекесіне орай Лепсі тарихи музейінде «Тілім менің- мақтанышым» тақырыбында шара өткізілді. Шара барысында «Ұлттың сақталуына да, жоғалуына да себеп болатын нәрсенің қуаттысы- тіл» деп ұлағатты сөз қалдырған, қазақ халқының тағдыры, тілі үшін күрескен Алаш арысы, Ұлт ұстазы - Ахмет Байтұрсынұлының өмірі мен қызметі туралы насихатталды. Шараға қатысқан оқушылар арасында тіл ұстарту мақсатында мақал-мәтелдерден сайыс өткізілді.

«Айтыс өнерінің шебері»

Мұқан Төлебаевтың мемориалды музейі 2022 жылдың 8 қыркүйегінде Ушинский атындағы орта мектептің 10 сынып оқушыларына ән өнерінің ақтаңгері, қазақтың біртума сал-серісі, әнші-композитор Біржан Қожағұлұлы туралы «Айтыс өнерінің шебері» атты тақырыптық экскурсия өткізді. Экскурсия барысында оқушыларға Арқаны ғана емес, Алаш даласын әнімен тербеткен Біржан сал Қожағұлұлының өмірі мен шығармашылығы туралы баяндалды.

«Қарымды қаламгер»

І.Жансүгіров атындағы тарихи-өлкетану музейінде Ақсу ауданының тумасы, қазақ әдебиетіне,қазақ поэзиясының қалыптасып дамуына, өсіп-өркендеуіне ерекше үлес қосқан ақын, аудармашы, журналист Ғали Ормановтың туғанына 115 жыл толуына орай «Мамания» орта мектебінің 6 сынып оқушыларына «Қарымды қаламгер» атты тақырыптық экскурсия ұйымдастырылды. Шара барысында жастарға Ғ.Ормановтың өмірбаяны, кітаптары, өлеңдері, марапаттары мен сирек кездесетін фотосуреттері таныстырылды. Аталмыш шарадан оқушылар қазақ әдебиеті тарихында көрнекті орынға ие тұлға жайлы көп мағлұмат алып қайтты.