«Мұражайдағы мәдени-көпшілік жұмыс нысандары»

Ү.ж. 14 ақпан күні Ақын Сараның мемориалды музейінде «Мұражайдағы мәдени-көпшілік жұмыс нысандары» атты музей сағаты өтті. «Жас экскурсия жүргізуші» атты үйірмеге қатысушылар музейлердегі ғылыми зерттеу, білім беру, ағартушылық жұмыстарының мағынасы мен негіздерімен танысты. Үйірме сағатында тренинг өткізіліп, бейнеролик арқылы Жаркент мешіті музейі таныстырылды.

"Б.Тоғысбаев және Балқаш өңірі"

Үстіміздегі жылдың 14 ақпан күні Балқаш аудандық тарихи-өлкетану музейінде белгілі жазушы-драматург Бек Тоғысбаевтың өмірі мен шығармашылықтағы еңбек жолын насихаттау мақсатында "Б.Тоғысбаев және Балқаш өңірі" тақырыбында әдеби-сазды кеш өткізілді.

«Ауғанның асуында от кешкендер»

Үстіміздегі жылдың 14 -ші ақпанында Қабанбай батыр тарихи - өлкетану музейіндеКеңес әскерінің Ауған жерінен шығарылғанына 30 жылтолуына орай«Ауғанның асуында от кешкендер»аттытақырыптық экскурсия жүргізілді. Экскурсия барысындаАуғансоғысыныңтарихына шолу жасалып,осы соғысқа қатысқан ардагерлерімізтуралы мәлімет берілді. Экскурсияға О. Молдағожин атындағыорта мектебінің7- сынып оқушыларықатысты.

"Алашорда үкіметі мен Алаш партиясы"

2019 жылдың 14 ақпанында Ақын Сараның мемориалды музейінің қызметкерлері Ғ.Орманов втындағы орта мектебінің 9-шы сынып оқушыларына "Алашорда үкіметі мен Алаш партиясы" атты лекция өткізді. Алаш арыстарының басты мақсаты "Тәуелсіздік" идеясы екендігін оқушыларға түсіндіріліп, олардың болашақ үшін жан аямай күрескерліктері мен жазған еңбектері жайында мағлұмат берілді. Бүгінгі Тәуелсіз Қазақ Елінің болашағы үшін Алаш арыстарының атқарған үлкен істері баяндалды. Және олардың өмір жолдары мен шығармашылықтарына шолу жасалды.

«Ауғаныстан - жүректегі жара»

2019 жылдың 14 ақпанында Н. Алдабергенов мемориалды музей қызметкерлерінің ұйымдастыруымен Кеңес әскерлерінің Ауғанстан жерінен толықтай шыққанына 30 жыл толуына орай Байысов атындағы орта мектебінде «Ауғаныстан - жүректегі жара» атты іс – шара өткізілді. Аталмыш шараға Алдабергенов ауылдық округ тұрғындары мен Ауған соғысы ардагерлері арнайы шақырылды. Шара барысында Ауған соғысында қаза болған боздақтар бір минут үнсіздікпен еске алынды. Сонымен қатар мекеме ұжым басшылары құттықтау лебіздерін білдіріп, ардагерлерге сыйлықтар табысталды. Мәдениет үйі қызметкерлерінің және мектеп оқушыларының орындауында Ауған соғысы кезіндегі әндер шырқалып, концерттік бағдарлама ұсынылды.

«Мәңгі өлмейтін жыр-ғұмыр»

2019 жылдың 14 ақпанында Мұқан Төлебаевтың мемориалды музейінде ақиық ақын Мұқағали Мақатаевтың туғанына 88 жыл толуына орай музей қызметкерлері мектеп оқушыларына «Мәңгі өлмейтін жыр-ғұмыр» атты тақырыпта дәріс өткізді. Дәріс барысында қазақ поэзиясының мұзбалағы атанған Мұқағали Мақатаевтың өмірі және шығармашылығы туралы айтылды.

«Ардагерлер арамызда»

Кеңес әскерінің Ауған жерінен шығарылғанына 30 жыл толуына орай ү.ж. 13 ақпанында Ш.Уәлихановтың «Алтынемел» мемлекеттік мемориалды музейінде «Ардагерлер арамызда» атты Ауған соғысының ардагерлерімен кездесу кеші өткізілді. Ш.Уәлиханов атындағы орта мектептің 6 кадет сынып оқушыларымен ұйымдастырылған бұл шараның мақсаты – Ауған соғысы ардагерлерінің ерлігін кейінгі ұрпаққа үлгі ете отырып, жастарды Отансүйгіштікке, ерлікке баулу, құрмет көрсету.

«Жорғадан қалған тұяқ ем»

Үстіміздегі жылдың 13 ақпан күні Жамбыл Жабаевтың әдеби-мемориалды музейінде Жыр алыбы Жамбылдың шәкірті «жырдың қара жорғасы» атанған Үмбетәлі Кәрібаевтың 130 жылдық мерейтойына орай, ақынның немересі, Үмбетәлі Кәрібаевтың әдеби-мемориалды музейінің меңгерушісі, ақын Әуелбек Ысқақовтың 60 жылдық мерейтойына орай «Жорғадан қалған тұяқ ем» атты кездесу ұйымдастырылды. Кездесуге Үмбетәлі музейінің меңгерушісі Әуелбек Ысқақов арнайы шақырылды. Сүйінбай музейі мен Жамбыл музейі ұйымдастырған бұл іс-шараға Жамбыл орта мектебінің, Сүйінбай орта мектебінің оқушылары атсалысты. Ақынның жырлары оқылып, ән шырқалды. Күй тартылып көрініс көрсетілді. Көрініс «Бастықтың бір күні» деген атпен көрсетілді. Оған Сүйінбай мен Жамбыл музейі қызметкерлері қатысып, көрермендер ықыласына бөленді

"Ауғанның отты жалыны"

Үстіміздегі жылдың 13 ақпаны күні І.Жансүгіров атындағы тарихи-өлкетану музейінде "Ауғанның отты жалыны" атты Кеңес әскерінің Ауған жерінен шығарылғанына 30 толуына орай тарихи кездесу кеш өтті. ШарағІ Ауған соғысы ардагерлері мен мектеп оқушылары қатысты.Жиын барысында ардагерлер ерліктері туралы баяндап, жастарды өз Отанын сүюге, жаудан қорғауға, өз елінің патриоты болуға шақырды.Сонымен қатар соғыс кезінде көрген қиыншылықтары мен бастан кешірген оқиғаларымен бөлісіп, сұрақ-жауап алысып , оқушылармен әсерлі әңгіме жүргізді. Кеш соңында Ақсу ауылдық мәдениет қызметкерлері концерттік бағдарламаларымен шараның көңілді өтуіне атсалысты.

«Мұқағали – мәңгі ғұмыр»

Үстіміздегі жылдың 11 ақпан күні Жамбыл Жабаевтың әдеби-мемориалды музейінде қазақтың маңдайына біткен ақын, жүрегімен жыр тербеген Мұқағали Мақатаевтың туған күніне орай «Мұқағали – мәңгі ғұмыр» атты көрме ұйымдастырылды. Мектеп оқушыларына көрме бойынша экскурсия жүргізіліп, ақынның өмірі мен шығармашылығына қатысты мәліметтер берілді.