"Ұлы дала - ойындары"

Үстіміздегі жылдың 21 қазанында Есік археологиялық - өлкетану музейінде "Рухани жаңғыру" бағдарламасы аясында Есік қаласының әкімінің аппараты, Түрген мәдениет үйі, Жастар ресурстық орталығының қолдауымен қалалық мектеп, колледждер арасында "Ұлы дала - ойындары" атты спорттық іс шара ұйымдастырылды. Шара мақсаты жасөспірімдер арасында салауатты өмір салтын қалыптастыру.

«Алтын адам»

2019 жылдың 19 қазан күні Есік археологиялық - өлкетану музейінде Талғар каласы И.Ф Халипов атындагы №1 орта мектебінің 11 сынып оқушыларына «Ұлы даланың жеті қыры» мақаласы аясында, «Алтын адам» тақырыбында танымдық сабақ ұйымдастырылды.

«Көне ғасыр сыр шертеді»

2019 жылдың 18 қазанында Есік музей - қорығында мұражайлардың шеруі өтті. Бұл іс-шараға Есік археологиялық-өлкетану музейі қатысып, «Көне ғасыр сыр шертеді» атты көшпелі көрмесін ұйымдастырды. Реставратор А. Рахметов сақ тақырыптары бойынша кәдесый жасау бойынша шеберлік сабағын өткізді.

«Даланың дархан данасы»

2019 жылдың 18 қазанында Елбасы Н. Ә. Назарбаевтың «Рухани жаңғыру» бағдарламасының аясында Жамбыл Жабаев әдеби-мемориалды музейінде жамбылтанушы, ғалым, жазушыларымен «Даланың дархан данасы» атты кездесу ұйымдастырылды. Кездесуге Жамбыл ауылының тұрғыны Мәми Абдірзақ, ақын , жазушы Сейдақұлов Марат Құрманқұлұлы және ауыл тұрғындары қатысты.

«Қазақ балалар әдебиетінің классігі»

Н.А.Назарбаевтың «Ұлы даланың жеті қыры» мақаласы аясында 2019 жылдың 18 қазанында М. Тынышпаевтың атындағы Алматы облыстық тарихи-өлкетану музейінде, Бердібек Ыдырыұлы Соқпақбаевтың 95-жас толуына орай «Қазақ балалар әдебиетінің классігі» көрме, сондай-ақ «Балалар әдебіетінің бәйтерегі» атты іс-шара ұйымдастырылды. Көрмеде №2 мектеп оқушылары жазушының жеке заттарын, шығармаларын, танымал жазушылардың естеліктерін көруге мүмкіндік алды. Сонымен қатар, оқушылар іс-шарада классіктің өлеңдері мен туындыларының рөлін сомдап шықты. Соңында қатысушылар іс-шаралар туралы өз пікірлерімен және әсерлерімен бөлісті.

"Өлең-өмір айнасы"

2019 жылдың 17 қазан күні Қабанбай батыр атындағы тарихи-өлкетану музейінің қызметкерлері еліміздегі барлық музейлер бойынша қолға алынған «Музей түні» жобасы аясында "Өлең-өмір айнасы" атты жас ақынмен кездесу кешін ұйымдастырылды.Шара барысында ауылдан шыққан жас ақынмен кездесу кешін ұйымдастырып, көпшілік назарына өмірі мен еңбек жолдары туралы айтылды.

"Жетісу ақындары жырлайды"

Ү.ж 18 қазан күні Ақын Сараның мемориалды музейінің қызметкерлері «Музейлер шеруі» атты жалпыреспубликалық акцияны іске асыру негізінде "Жетісу ақындары жырлайды" атты әдеби кеш өткізді. Аталған іс-шараның мақсаты: өлкеміздегі ақындарды халыққа таныстырып, олардың өмірі мен шығармашылықтары турасында мағлұмат беру, жастарды шығармашылыққа баулып, әдебиетке қызығушылықтарын арттыру болатын. Әдемі әдеби кешке жетісу өңірінің ақындарымен бірге республикалық көлемдегі танымал ақындар арнайы келді. Олар: Гүлнәр Салықбай, Тоқтаралы Таңжарық, Нүсіпбай Әбдірахым, Гүлбақыт Қасен, Сағыныш Намазшамова, Айнұр Төлеу, Азамат Нұрмұхан. Ғ.Орманов пен Е.Жайсаңбаев атындағы орта мектебінің оқушылары ақындардың өлеңдерін оқыды. Оқушылар ақындарға сұрақ қойып, сауалдарына жауап алды. Ақындар өздерінің өлеңдерін оқып, ашық әңгіме өрбіді. Қапал ауылдық мәдениет үйінің қызметкері Төлеген Мұқашевтің орнындауында тамаша ән орындалды. Шара соңына қарай келген қонақтар "Ауылым алатын б...

«Ілияс архивінің ізімен»

2019 жылдың 18 қазан күні І.Жансүгіровтің әдеби музейінде «Музей түні» акциясы аясында Ілияс Жансүгіровтің 125 жылдық мерейтойына арналған «Ілияс архивінің ізімен» атты кездесу кеші өтті. Кеш барысында Алматы облысы әкімінің қолдауымен жарық көрген І.Жансүгіровтің өмірі мен шығармашылығына арналған кітаптардың тұсаукесері және Мәскеу қаласынан әкелінген 20-ға жуық құнды кітаптардың таныстырылымы өтті. Сонымен қатар «Ілияс ізімен» атты халықаралық ғылыми-танымдық экспедиция мүшелері: «Ілиястану» ғылыми-практикалық орталығының меңгерушісі, филология ғылымдарының докторы, профессор М.Иманғазиновпен, әдеби музейдің ғылыми қызметкері С. Төлегеновамен сұқбат жүргізілді. «Ақын мұралары» атты көрме безендіріліп, «Ілияс өмірі мен шығармашылығы» атты деректі фильм көрсетілді. Шара соңында «Өлеңнің өрен жүйрігі» атты облыстық байқау жүлдегерлерінің арнаулары оқылып, музей залдары бойынша экскурсия жүргізілді.

«Еңбектің даңқты тұлғалары»

2019 жылдың 18 қазан күні «Музейдегі түн» жобасы аясындаН. Алдабергеновтың мемориалды музейіндеЕңбек Ерлерінің төлқұжаттары мен тұтынған бұйымдары сынды жәдігерлерден тұратын «Еңбектің даңқты тұлғалары» атты тақырыптық-экспозициялық комплекс ұйымдастырылып, толық мәтінде экскурсия жүргізілді. Мақсаты:Еңбек Ерлерінің аңызға айналған ұлағатты істерін насихаттау, жастарды еңбексүйгіштікке, ұйымшылдыққа тәрбиелеу. Іс-шара барысында Еңбек Ерлері жайлы естеліктер айтылып, Алдабергенов ауылының құрылу тарихы жайында бейнефильм көрсетілді.

Экскурсия

2019 жылдың 17 қазан күні Шелек тарихи - өлкетану музейіне, Н. Назарбаевтың "Болашаққа бағдар: рухани жаңғыру" мақаласының аясында, музейге Еңбекшіқазақ аудандық əйелдер Одағының төрайымы Роза Омарқызы, əйелдер кеңесінің мүшесі Дыбыскүл Ахметбайқызы, " Алтын белгі " медалінің иегері Айсина Шолпан, Іскер əйелдер кеңесінің төрайымы Шолпан Бөлетайқызы тағы да басқа бір топ іскер аналарымыз келіп, музей ішін тамашалап, қонақтарға музей залдары бойынша экскурсия жүргізілді. Соңында қонақтарымыз өздерінің еңбек жолдарымен бөлісіп, Есік музейінде бірнеше жыл еңбек еткен Дыбыскүл Ахметбайқызы музей жайында көптеген мағлұматтарымен бөлісіп, аналарымыз музей қызметкерлеріне алғыстарын айтып, жұмыстарына табыс тілеп қайтты.